Jo Salik Hai to Apne Nafs Ka Irfan Paida Kar

jo sālik hai to apne nafs kā irfān paidā kar

haqīqat terī kyā hai pahle ye pahchān paidā kar

jahāñ jaane ko sab dushvār hī dushvār kahte haiñ

vahāñ jaane kā koī rāsta āsān paidā kar

haqīqat kā kahe jo haal kar aisī zabāñ paidā

mohabbat ke suneñ jo giit aise kaan paidā kar

hudūd-e-ālam-e-takvīñ meñ sab mumkin hī mumkin hai

tū nā-mumkin ke jhagḌe meñ na paḌā imkān paidā kar

ilāhī bhed tere us ne zāhir kar diye sab par

kahā thā kis ne tū ‘sīmāb’ ko insān paidā kar

Leave a Comment