jo inkar sar ke jhukane ko hai
gila ham se saare zamane ko hai
mayassar hai har-dil-azizi use
muravvat bhi us ki dikhane ko hai
ye qissa hai dil ka na hoga tamam
abhi aur kitna sunane ko hai
naya ik alamiya na.i ibtila
ḳhuda bhi hamen azmane ko hai
ajab hai ye viran sahra yahan
na tinka koi ashiyane ko hai
haram se bhi lauTe to ‘at.har-shakil’
safar un ka phir bada-ḳhane ko hai
Leave a Reply