Jo Dil Ki Bargah Mein Tajalliyan Dikha Gaya

jo dil ki bargah men tajalliyan dikha gaya

mire havas-o-hosh par surur ban ke chha gaya

tire baghair zindagi guzarna muhal tha

magar ye qalb-e-na-tavan ye bojh bhi utha gaya

jo shakhs meri zaat men basa hua tha muddaton

na jaane mujh se ruuth kar vo ab kahan chala gaya

phir aaj ik hava-e-gham udaas dil ko kar gai

khayal teri yaad ka nazar ko phir bujha gaya

kabhi qadam jo thak gae ghamon ki rahguzar men

tiri nazar ka nuur tha jo hausle badha gaya

Leave a Comment