jitna koi tujh se yaar hoga
utna hi kharab o khvar hoga
har roz ho roz-e-id to bhi
tu mujh se na ham-kanar hoga
bas dil itna tadap na chup rah
tujh ko bhi kahin qarar hoga
dekhe jo koi chaman men tujh ko
gul us ki nazar men khaar hoga
shikve men ho jis ke khuun ki bu
tera hi vo dil-figar hoga
naseh na ho girya se jo maane
mera vahi gham-gusar hoga
ja yaar shitab ‘soz’ se mil
tera use intizar hoga
Leave a Reply