jismon ki chaḌhti dhuup ka jab qahr utar gaya
ik sho.ala Dubne ko sar-e-nahr utar gaya
phir yaad aa ga.i hai tire ansuon ki shaam
phir aaj zer-e-ab koi shahr utar gaya
ab Das raha hai mujh ko mira khokhla badan
savan ki bijliyon se mira zahr utar gaya
ham mauj-e-tah-nashin the tujhe chhu nahin sake
tu barg-e-sat.h-e-ab tha har lahar utar gaya
ab ru-kash-e-jamal ‘musavvir’ nahin koi
chehra-ba-chehra aks-e-ruḳh-e-dahr utar gaya
Leave a Reply