jis vaqt tu be-naqab aave
hoga koi jis ko taab aave
kaafi hai naqab-e-zulf munh par
ashiq se agar hijab aave
kyunkar kahe koi haal tujh se
har baat men jo itaab aave
qasid se kaha hai vaqt-e-rukhsat
jo vo but-e-be-hijab aave
le aaiyo gar javab deve
lazim hai ki tu shitab aave
ai jan-ba-lab rasida itna
rahna hai ki ta javab aave
‘bedar’ ko tujh bin ai dil-aram
hota hi nahin ki khvab aave