jin ke gunah meri nazar se nihan nahin
rahte hain mujh se dil men ḳhafa kis qadar vo log
manzil jinhen aziiz na rah-rav jinhen aziiz
kahlate hain hamare yahan rahbar vo log
anjam-e-karvan tha isi baat se ayaan
manzil thi jin ki aur bane ham-safar vo log
apna samajh saken na jinhen ghair kah saken
milte hain har qadam pe sar-e-rah-guzar vo log
tera kalam sun ke jo ḳhamosh hain ‘nazir’
un ka gila na kah ki hain ahl-e-nazar vo log
Leave a Reply