jhuum kar gaao main sharabi huun
raqs farmao main sharabi huun
ek sajda ba-nam-e-mai-ḳhana
dosto aao main sharabi huun
log kahte hain raat bait chuki
mujh ko samjhao main sharabi huun
aaj in reshmi ghaTaon ko
yuun na bikhrao main sharabi huun
hadse roz hote rahte hain
bhuul bhi jaao main sharabi huun
mujh pe zahir hai aap ka batin
munh na khulvao main sharabi huun
Leave a Reply