jahan zamin se juḌa asman dikhta hai
usi jagah mujhe apna makan dikhta hai
panah-e-dasht men aaya dabiz shahr se main
yahan bhi jaal shikari machan dikhta hai
safar men aaya mire ek shahr aisa bhi
jahan pe duur se amn-o-aman dikhta hai
nazar hamari agar ho zara faqirana
bahut salis ye saara jahan dikhta hai
sanbhal ke dekh ki ai piir meri hasti men
tujhe kahin bhi ḳhuda ka nishan dikhta hai
Leave a Reply