jahan se hota hai pyare khuda ka naam shurua
vahin se karte ham zindagi ka kaam shurua
ye kaisi rah-e-safar hai ye kaisa aalam hai
ki paanv rakkhen jahan bhi vahin maqam shurua
jahan pe hota hai dil pe nuzul-e-bar-e-azab
vahin se hota hai duniya ka ye nizam shurua
na socho vaqt bahut kam hai zindagi kam hai
jo ho sake to karo gardish-e-mudam shurua
sukut o shor ke mabain koi hai maujud
jahan ho khatm samaat vahin kalam shurua
badi ajiib hai ye dastan-e-ishq ‘hamesh’
savera hone se pahle ho goya shaam shurua
Leave a Reply