Poet
jahan se be-ta.alluq aap se begana ho jaa.e
baḌa hoshiyar hai vo jo tira divana ho jaa.e
rahen baaqi na us ke hosh vo divana ho jaa.e
karam jis par tira ai jalva-e-janana ho jaa.e
na kyuun vo be-niyaz-e-shisha-o-paimana ho jaa.e
tumhari mast mast ankhon ka jo mastana ho jaa.e
ada-o-naz aur andaz ka shaida na ho jaa.e
mira nazon ka paala dil kahin un ka na ho jaa.e
jabin-e-shauq ho sang-e-dar-e-janan se mas aisi
jabin-e-shauq hi sang-e-dar-e-janan na ho jaa.e
haqiqat men vahi dil mustahiq hai dil dukhane ka
tiri sham-e-ruḳh-e-raushan ka jo parvana ho jaa.e
karamat piine valon ki abhi dekhi nahin vaa.iz
jahan jam jaa.en bada-kash vahin paimana ho jaa.e
sada-e-‘sabir’-e-ghamgin suni jab apne kuche men
kaha ki kya karen koi agar divana ho jaa.e
Leave a Reply