Poet
jahan jahan bhi havas ka ye janvar jaa.e
dilon se mehr-o-mohabbat ki fasl char jaa.e
vahin se huun main jahan se dikha.i deta huun
vahin talak huun jahan tak miri nazar jaa.e
hudud-e-zat se aage ḳhudaon ki had hai
main sochta huun agar zehn kaam kar jaa.e
bhari paḌi hai ufunat se inch inch zamin
us ek phuul se ḳhushbu kidhar kidhar jaa.e
vo bad-e-tund hai har peḌ ki ye koshish hai
hava ke saath koi dusra shajar jaa.e
‘nasim’ gaanv ki masjid men raat kaTega
ik ajnabi sa musafir hai kis ke ghar jaa.e
Leave a Reply