jadu-Tona janta hai
gha.eb hona janta hai
dost hai vo gahra lekin
dushman hona janta hai
teri aahaT ko us ghar ka
kona kona janta hai
rishton ki turpai karna
siina pirona janta hai
bachchon ko vo hire-moti
chandi-sona janta hai
paap nahin hai jis ke dil men
chain se sona janta hai
apne matlab ki ḳhatir vo
sab kuchh hona janta hai
hansna aa jaata hai us ko
jo bhi rona janta hai
Leave a Reply