jab zara naghmon se bulbul gul-fishan ho ja.ega
Tokari phulon ki saara ashiyan ho ja.ega
jab uThega josh-e-mai ban ja.ega vo aftab
jab uḌega ḳhum ka sar-posh asman ho ja.ega
jism-o-jan ka faisla saara usi ke haath hai
paanv teri tegh ka ḳhud darmiyan ho ja.ega
mo.ajiz-e-shaqqul-qamar dikhla.egi angusht-e-husn
chand tere partave se ḳhud katan ho ja.ega
rind haan ammama-e-zahid pe huun hath-pheriyan
kashti-e-mai ka ik achchha badban ho ja.ega
sar pe chhan chhan kar bala.en a.engi ḳhamosh ‘qadr’
aah khinchoge to chhalni asman ho ja.ega
Leave a Reply