jab se tire lahje men thakan bol rahi hai
dil men mire suraj ki jalan bol rahi hai
kyuun dal ke dhaḌakne ki sada ho ga.i maddham
lagta hai ki sanson men thakan bol rahi hai
kahti hai ki in.aam hai ye dar-ba-dari ka
paanv men jo kanTon ki chubhan bol rahi hai
muddat se lahu-rang hai ashkon ki ravani
zaḳhmon men zamane ki dukhan bol rahi hai
ab duur nahin khil ke bikhar jaane ka mausam
phulon se ye ḳhushbu-e-chaman bol rahi hai
aa ja.ega vo jis se hai milne ki tamanna
‘mina’ ye tire dil ki lagan bol rahi hai
Leave a Reply