Jab Se Ki Buton Se Aashna Hun

jab se ki buton se ashna huun

begana khudai se hua huun

kyuun kar kahun arif-e-khuda huun

agah nahin ki aap kya huun

jab hijr men baagh ko gaya huun

main atish-e-gul men jal-bujha huun

furqat men jo sar patak raha huun

mashghul-e-namaz-e-kibriya huun

munh zard hai tinke chun raha huun

ai vahshat kya main kahruba huun

begana huun kyuun kar ashna se

beganon se main bhi ashna huun

munh un ka nahin hai shukr varna

har but kahta ki main khuda huun

ummid-e-visal ab kahan hai

us gul se ba-rang-e-bu juda huun

kyuun dost na khush hon jaae matam

simab ki tarah mar gaya huun

khilqat khush ho jo main huun pamal

gulzar-e-jahan men kya hina huun

hans dunga dam men misl-e-gul aap

ghunche ki tarah se go khafa huun

atish-qadami se jalte hain khaar

ai qais main vo barhana-pa huun

karte hain gurez mujh se manhus

be-shubah main saya-e-huma huun

huun qafila-e-adam se aage

is raah men nala-e-dara huun

‘nasikh’ ki ye iltija hai yarab

mar jaun to khak-e-karbala huun

Leave a Comment