Qateel Shifai
jab se asir-e-zulf-e-girah-gir ho gaya
men be-niyaz-e-halqa-e-zanjir ho gaya
jaata kahan bhala tiri mahfil ko chhod kar
main apne aap paanv ki zanjir ho gaya
nur-e-jahan koi na koi yuun to sab ki thi
daulat se ek shakhs jahangir ho gaya
mujh men rachi hui tiri khushbu thi is liye
badh kar adu bhi mujh se baghal-gir ho gaya
phir bandh li kisi se ummid-e-vafa ‘qatil’
phir ik mahal havaon men taamir ho gaya
Leave a Reply