Sufi

Jab Se Alfaz Ke Jangal Mein Ghira Hai Koi

jab se alfaz ke jangal men ghira hai koi

puchhta phirta hai meri bhi sada hai koi

raah ki dhuul men Duuba hua aa pahunchega

apne maazi ka pata lene gaya hai koi

raat ke saae men ik ujde hue angan men

be-sada thuntH ke manind khada hai koi

jab bhi ghabra ke tujhe deta huun ik aadh sada

log kahte hain ki is ghar men bala hai koi

main vo chitthi huun mita jaata hai jis ka har harf

padh ke ik baar mujhe bhuul gaya hai koi

asman raat darakhton ke qarib aaya tha

puchhta phirta tha kya un men chhupa hai koi

tum yunhi vaqt ganvane pe tule ho ‘abid’

kabhi paani pe bhala naqsh bana hai koi

More Poems

Leave a Comment