Saeed Shahidi
jab koi mehrban nahin hota
dil mira bad-guman nahin hota
har jagah bijliyan nahin girtin
har jagah ashiyan nahin hota
jis faza men hon aap jalva-fagan
us jagah asman nahin hota
ashk ankhon men aa hi jaate hain
hal-e-dil dastan nahin hota
aap mujh ko jahan samajhte hain
main ḳhud aksar vahan nahin hota
jab talak bijliyan nahin girtin
ashiyan ashiyan nahin hota
mai-kada ho ki bazm-e-va.az ‘sa.id’
zikr apna kahan nahin hota
Leave a Reply