Jab Koi Mehrban Nahin Hota

jab koī mehrbāñ nahīñ hotā

dil mirā bad-gumāñ nahīñ hotā

har jagah bijliyāñ nahīñ girtīñ

har jagah āshiyāñ nahīñ hotā

jis fazā meñ hoñ aap jalva-fagan

us jagah āsmāñ nahīñ hotā

ashk āñkhoñ meñ aa hī jaate haiñ

hāl-e-dil dāstāñ nahīñ hotā

aap mujh ko jahāñ samajhte haiñ

maiñ ḳhud aksar vahāñ nahīñ hotā

jab talak bijliyāñ nahīñ girtīñ

āshiyāñ āshiyāñ nahīñ hotā

mai-kada ho ki bazm-e-va.az ‘sa.īd’

zikr apnā kahāñ nahīñ hotā

Leave a Comment