jab ḳhayalon men tumhen paas biTha.un aksar
miir ke sher hon lab par unhen ga.un aksar
dafn kar ke sabhi va.adon ko jahan bichhḌe the
vo shajar dekhne jaati huun main gaanv aksar
main gila kaise karun tum ne mujhe raunda hai
apne saa.e pe bhi aa jaata hai paanv aksar
jab tire ba.ad tira hijr sata.e mujh ko
tujh ko main yaad karun bhuul bhi ja.un aksar
kaisa rishta hai mira tum se mujhe ilm nahin
tum agar ruTho to main ḳhud ko mana.un aksar
mera da.ava hai tujhe chhoḌ diya hai main ne
phir tira zikr hi kyuun sheron men la.un aksar
‘afiya’ aa.ina dekha hi nahin muddat se
ḳhud se main ba.ad tire aankh chura.un aksar
Leave a Reply