Poet
jab bhi ho mujh ko thakan tum ko dua deti huun
ghar ke kamon men magan tum ko dua deti huun
aisa lagta hai mohabbat ka ḳhuda hai us men
dekhti huun jo gagan tum ko dua deti huun
Dubte chand ke paanv men madhur saaz ho jab
dil men jhanke jo kiran tum ko dua deti huun
sochti rahti huun tum ko hi biTha kar dil men
aisi jaagi hai lagan tum ko dua deti huun
vahshaton ne hi jalaya hai ‘diya’ tera badan
chand jaisa ho ye man tum ko dua deti huun
Leave a Reply