gulzar

Jab Bhi Aankhon Mein Ashk Bhar Aae

jab bhi ankhon men ashk bhar aae

log kuchh Dubte nazar aae

apna mehvar badal chuki thi zamin

ham khala se jo laut kar aae

chand jitne bhi gum hue shab ke

sab ke ilzam mere sar aae

chand lamhe jo laut kar aae

raat ke akhiri pahar aae

ek goli gai thi su-e-falak

ik parinde ke bal-o-par aae

kuchh charaghon ki saans tuut gai

kuchh ba-mushkil dam-e-sahar aae

mujh ko apna pata-thikana mile

vo bhi ik baar mere ghar aae

More Poems

Leave a Comment