abid-wadood

Jaane Kis Samt Ko Bhatka Saya

jaane kis samt ko bhatka saaya

dhuup kahne lagi saya! saya!

koi sarnama hamara likkhe

rakhsh par ham to piyada saaya

sar-e-be-maghz ke auham to dekh

jism apna hai paraya saaya

ye adavat hai hiqarat to nahin

un ki dastar se rutha saaya

baaz auqat to aisa bhi hua

chhin gaya ham se hamara saaya

ab to eajaz hai jiina ‘abid’

saae ka ho bhi bhala kya saaya

More Poems

Leave a Comment