ahmad-faraz

Jaanan Dil Ka Shahr Nagar Afsos Ka Hai

janan dil ka shahr nagar afsos ka hai

tera mera saara safar afsos ka hai

kis chahat se zahr-e-tamanna manga tha

aur ab hathon men saghar afsos ka hai

ik dahliz pe ja kar dil-khush hota tha

ab to shahr men har ik dar afsos ka hai

ham ne ishq gunah se bartar jaana tha

aur dil par pahla patthar afsos ka hai

qurbat ke us ped ki shakhon par dekho

phuul udasi ka hai samar afsos ka hai

haar ke dukh se pachhtava badh kar hai ‘faraz’

dukh ka nahin afsos magar afsos ka hai

More Poems

Leave a Comment