Aziz Warsi
itne nazdik se a.ine ko dekha na karo
ruḳh-e-zeba ki latafat ko baḌhaya na karo
dard o azar ka tum mere mudava na karo
rahne do apni masiha.i ka daava na karo
husn ke samne iz.har-e-tamanna na karo
ishq ik raaz hai is raaz ko ifsha na karo
apni mahfil men mujhe ghaur se dekha na karo
main tamasha huun magar tum to tamasha na karo
saari duniya tumhen kah degi tumhin ho qatil
dekho mujh ko ghalat andaz se dekha na karo
kaise mumkin hai ki ham donon bichhaḌ ja.enge
itni gahra.i se har baat ko socha na karo
tum pe ilzam na aa jaa.e safar men koi
rasta kitna hi dushvar ho Thahra na karo
vo koi shaḳh ho mizrab ho ya dil ho ‘aziz’
TuTne vaali kisi shai ka bharosa na karo
Leave a Reply