Dfa Cf Dd F Fbebdca
dil o nigah men kuchh is tarah sama ga.i hai
tiri nazar to mujhe a.ina bana ga.i hai
hava-e-taza ka jhonka idhar se kya guzra
gire paḌe hue patton men jaan aa ga.i hai
mire ghamon ka mudava karega kya koi
shikast-shisha-e-dil ki kahin sada ga.i hai
ye dil ki zard paḌa tha ka.i zamanon se
main tera naam liya aur bahar aa ga.i hai
bhula diya hai use naaz uThane valon ne
isi liye to use meri yaad aa ga.i hai
Leave a Reply