nadiya-ambar-lodhi

Ishq Ki Koi Tafsir Thi Hi Nahin

ishq ki koi tafsir thi hi nahin

vaste mere taqdir thi hi nahin

kis liye ho ke majbur tum aae ho

beach donon ke zanjir thi hi nahin

alam-e-rang-o-bu ko sajaya gaya

is tamashe men taqsir thi hi nahin

tere darshan ko ankhen tarasti rahin

khana-e-dil men tasvir thi hi nahin

us ko ‘amabar’ ghasita gaya tha yunhi

ranjhe ke vaste hiir thi hi nahin

More Poems

Leave a Comment