ishq ki ḳhubi kahun kya ashna
jaan ka dushman hai dil ka ashna
bahr-e-ulfat se kinara ḳhuub hai
kha gaya ghota to Duuba ashna
roz-e-bad se Dar ki ho jaate hain phir
dost dushman ashna na-ashna
dahr men kamyab kya nayab hain
kimiya darvesh sachcha ashna
shaghlan-e-ishq ka ye dard hai
ya muhib ya mehrban ya ashna
paak ulfat ho to phir kya ai raqib
ashna hai ashna ka ashna
do samajhna saaf hai be-vahdati
ek hi begana ho ya ashna
ham to dil se nek samjhe hain tumhen
tum bura kahte ho achchha ashna
dil jale kya kya nahin kahte tumhen
be-muravvat bevafa na-ashna
aao ji dil khol kar mil lijiye
zindagi ka kya bharosa ashna
qulzum-e-ishq ek tufan-ḳhez hai
Duube is dariya men sad.ha-ashna
kahiye to kah duun hazaron men ye baat
hai ‘nasim’ ik gul-badan ka ashna
Leave a Reply