Ishq Ka Naghma Junun Ke Saz Par Gate Hain Hum

ishq ka naghma junun ke saaz par gaate hain ham

apne gham ki aanch se patthar ko pighlate hain ham

jaag uthte hain to suuli par bhi niind aati nahin

vaqt pad jaae to angaron pe so jaate hain ham

zindagi ko ham se badh kar kaun kar sakta hai pyaar

aur agar marne pe aa jaaen to mar jaate hain ham

dafn ho kar khaak men bhi dafn rah sakte nahin

lala-o-gul ban ke viranon pe chha jaate hain ham

ham ki karte hain chaman men ehtimam-e-rang-o-bu

ru-e-geti se naqab-e-husn sarkate hain ham

aks padte hi sanvar jaate hain chehre ke nuqush

shahid-e-hasti ko yuun aina dikhlate hain ham

mai-kashon ko muzhda sadiyon ke pyason ko naved

apni mahfil apna saaqi le ke ab aate hain ham

Leave a Comment