Poet
is vaqt baare kuchh to karam-bakhshi kijiye
guzre ham aur baat se gaali hi dijiye
sabr aur din-o-dil to tum aage hi le chuke
baaqi hai jaan hamari so ab ye bhi lijiye
deve vo jaam ghair kuun yuun mere samne
ye dekh kyunki khun-e-dil apna na pijie
naseh ye kya hisab ki main jeb ko silaun
behtar hai aap munh ke taiin apne si jiye
patthar bhi bilke dekh ‘jahandar’ ka ye haal
pyare kabhu to aap bhi is par pasijiye
Leave a Reply