is tarah rukh pherte ho sunte hi bose ki baat
shah-e-maashuqan ke aage kya hai ye eti bisat
kyuun na daude tab divana ho ke majnun dasht kuun
jab likhi ho ashiqan ki shakh-e-ahu pe barat
jhiljhilati hai mahin jaame siin tere tan ki jot
maah ka khirman hai ai khurshid-ru tera yogat
sau girah thi dil men mere khosha-e-angur juun
ek pyale siin kiya saaqi nen hall-e-mushkilat
kuchh kaho ‘yakru’ piya dar siin tire talta nahin
bujhta hai ek ye ghar janta nahin panch saat
Leave a Reply