Poet
is qadar zulm-o-sitam ai sitam-ijad na kar
khaak ham khak-nashinon ki tu barbad na kar
ishq un ka mire pahlu men ye deta hai sada
bhuul ja apni khudi ghair ko bhi yaad na kar
sabr lazim hai tujhe koh-e-mohabbat pe zarur
jazb-e-dil ko tu kahin taisha-e-farhad na kar
shoala-e-hijr se khuun khushk hua hai us ka
rag-e-ashiq pe sitam nashtar-e-fassad na kar
qaid-e-gham se kahin azad bhi ho jan-e-hazin
qatl karne men tamul mire jallad na kar
fasl-e-gul aai hai shadab hua hai gulshan
bulbul-e-zar tu yaan shevan-o-faryad na kar
jazb-e-dil saath ‘jamila’ ka nahin chhodega
gham nahin khizr rah-e-ishq men imdad na kar
Leave a Reply