is liye taish aa gaya tha mujhe
vo hansi men uḌa gaya tha mujhe
tab ye kaghaz vaghaira hote na the
pattharon par likha gaya tha mujhe
is jagah Thiik se zara dekho
vo yahin par chhupa gaya tha mujhe
mujh ko is baat par hansi aa.i
duniya jaisa kaha gaya tha mujhe
raat main us pe thoḌa ghussa hua
aur phir pyaar aa gaya tha mujhe
asl men us taraf bulandi thi
jis taraf tu gira gaya tha mujhe
jaane phir kya bana kahani ka
azhdaha ek kha gaya tha mujhe
Leave a Reply