Tousief Tabish
is liye kam kisi se milta hai
ḳhud se mil kar mujhi se milta hai
chashm-e-girya ko dekhiyega kabhi
dil ka dariya isi se milta hai
jis ko dekha nahin kabhi main ne
tera chehra usi se milta hai
teri ankhen bata rahi hain mujhe
ḳhvab men tu kisi se milta hai
main ne dekha tha ḳhvab men us ko
vo miri sha.iri se milta hai
a.ina dekhte hi yaad aaya
mera chehra kisi se milta hai
kuchh to ḳhubi hai aap men ‘tabish’
har koi aap hi se milta hai
Leave a Reply