Anwar Masood
is ibtida ki saliqe se intiha karte
vo ek baar mile the to phir mila karte
kivaḌ garche muqaffal the us haveli ke
magar faqir guzarte rahe sada karte
hamen qarina-e-ranjish kahan mayassar hai
ham apne bas men jo hote tira gila karte
tiri jafa ka falak se na tazkira chheḌa
hunar ki baat kisi kam-hunar se kya karte
tujhe nahin hai abhi fursat-e-karam na sahi
thake nahin hain mire haath bhi dua karte
unhen shikayat-e-be-rabti-e-suḳhan thi magar
jhijak raha tha main iz.har-e-mudda.a karte
chiqen giri thiin darichon pe chaar su ‘anvar’
nazar jhuka ke na chalte to aur kya karte
Leave a Reply