ghulam ki roz o shab ghulami men kya kami thi
kaniz ke iltifat o ḳhubi men kya kami thi
inhen dar-e-ḳhvab-gah se kis liye haTaya
muhafizon ki vafa-shi.ari men kya kami thi
jalal-e-giti satan se darbar kanpta tha
muqarribon ki mizaj-fahmi men kya kami thi
giran guzarta tha kyuun tabi.at pe saath us ka
vazir-zade ki nukta-sanji men kya kami thi
nashist men is qadar ta.ammul ba-vaqt-e-ruḳhsat
murassa o musta.id savari men kya kami thi
khaḌe the kyuun chaukidar do-ruya neze thame
mahl ki divar ki bulandi men kya kami thi
guzar na sakta tha koi ḳhvaja-sara na bandi
haram ke razon ki pasdari men kya kami thi
na jaane salar mutma.in kyuun nahin the ‘yasir’
sipah ke azm o jan-sipari men kya kami thi
Leave a Reply