Wafa Ka Zikr Nahin Hai Karam Ki Baat Nahin

vafa ka zikr nahin hai karam ki baat nahin

tire suluk men phir bhi sitam ki baat nahin

tujhe main chahun ye mera nasib hai lekin

agar tu mujh ko na chahe to gham ki baat nahin

hasin shaam jo guzri vo yadgar bani

ye baat vaise bhi sach hai bharam ki baat nahin

har ek baat ka meri khuda rahega gavah

har ik janam ki hai ye ik janam ki baat nahin

ghazal vo kaisi vo naghma hi kya rahega ‘kiran’

tire kalam men jab tak sanam ki baat nahin

Leave a Comment