Shaad Aarfi
intizar tha ham ko ḳhushnuma baharon ka
ye qusur kya kam hai ham qusur-varon ka
aftab chehra tha jin sharab-ḳhvaron ka
daagh daagh huliya hai un ka siyahkaron ka
sa.i-e-infiradi bhi naqsh chhoḌ jaati hai
bujh gaya hai manzil tak naqsh rahguzaron ka
ek roz kho dega etimad-e-zati bhi
aasra taka jis ne dusre saharon ka
jis men shahd-lab hoga kal baḌa adab hoga
aaj na-munasib hai zikr mah-paron ka
rahnuma-e-rah-rav men sham-e-bazm-e-ishrat ne
hasb-e-hal paaya hai mudda.a sitaron ka
aap hazrat-e-zahid us se kuchh nahin kahte
‘shad’ bhi to sathi hai ham gunahgaron ka
Leave a Reply