ilzam tha diye pe na taqsir raat ki
ham ne to bas hava ke taalluq se baat ki
har subh jab ki subh-e-qayamat ki tarah aae
aise men kaun hoga jo soche sabat ki
taklif to hui magar ai nakhun-e-malal
khulne lagi girah bhi koi apni zaat ki
zanjir hai jazira hai ya shakh-e-be-samar
ab kaun si lakir salamat hai haat ki
marne agar na paai to zinda bhi kab rahi
tanha kati vo umr jo thi tere saath ki
phir bhi na mera qafila lutne se bach saka
main ne khabar to rakkhi thi ek ek ghaat ki