Ilaj-E-Dard-E-Dil Tum Se Masiha Ho Nahin Sakta

Muztar Khairabadi

ilaj-e-dard-e-dil tum se masiha ho nahin sakta

tum achchha kar nahin sakte main achchha ho nahin sakta

adu ko chhoḌ do phir jaan bhi mango to hazir hai

tum aisa kar nahin sakte to aisa ho nahin sakta

abhi marte hain ham jiine ka ta.ana phir na dena tum

ye ta.ana un ko dena jin se aisa ho nahin sakta

tumhen chahun tumhare chahne valon ko bhi chahun

mira dil pher do mujh se ye jhagḌa ho nahin sakta

dam-e-aḳhir miri balin pe majma.a hai hasinon ka

farishta maut ka phir aa.e parda ho nahin sakta

na barto un se apna.iyat ke tum bartav ai ‘muztar’

paraya maal in baton se apna ho nahin sakta