Aaecb Eba D Bbf Babef
ibtida huun ki intiha huun main
umr bhar sochta raha huun main
lafz-o-ma.ani se mavara huun main
ek ḳhamosh iltija huun main
dil men koi ḳhushi nahin lekin
adatan muskura raha huun main
na-tavan ho ke adl chahta huun
vaqa.i qabil-e-saza huun main
dekh kar rang bazm-e-alam ka
naqsh-e-divar ban gaya huun main
subah ke intizar men ‘rif.at’
raat bhar sochta raha huun main
Leave a Reply