Husn Jitna Hi Sada Hota Hai

husn jitnā hī saada hotā hai

gesū-e-nā-kushāda hotā hai

jab kabhī shaġhl-e-bāda hotā hai

ek aalam ziyāda hotā hai

jab vo aate haiñ zindagī ke qarīb

dil bhī dūr-ūftāda hotā hai

kyā ḳhabar ye fashurda-e-angūr

kitnā ḳhuuñ ho ke baada hotā hai

un kā jalva na duur hai na qarīb

nuur hai kam ziyāda hotā hai

husn hotā hai sāda-o-rañgīñ

ishq rañgīn-o-sāda hotā hai

gungunātā huuñ fursatoñ meñ ‘nushūr’

sher tanhā.ī-zāda hotā hai

Leave a Comment