Sehr Ishqabadi
husn-e-mutlaq hai kya kise ma.alum
ibtida intiha kise ma.alum
meri betabiyon ki kha ke qasam
barq ne kya kiya kise ma.alum
din-dahaḌe shabab ke hathon
haa.e main luT gaya kise ma.alum
meri kuchh garm o sard aahon se
asman kya hua kise ma.alum
husn ka har ḳhayal raushan hai
ishq ka mudda.a kise ma.alum
‘sehr’ ke ham-nava farishte hain
hai maqam us ka kya kise ma.alum
Leave a Reply