Humse Kar Tu Ki Ya Na Kar Ikhlas

Meer Hasan

ham se kar tu ki ya na kar ikhlas

ham ko hai tujh se yaar par ikhlas

apne mukhlis ki baat ka hargiz

mat bura maan hai agar ikhlas

mere aur us ke kyunki sohbat ho

pamba se kab rakhe sharar ikhlas

khuun ho kar bhi teri tarf bahe

tujh se rakkhe the dil jigar ikhlas

hai ghanimat rahe jo koi din

ham men aur us men yak-digar ikhlas

vo nahin vaqt ab ki har yak men

dekhte the jidhar-tidhar ikhlas

is zamane men ai ‘hasan’ mat puchh

hai mohabbat kahan kidhar ikhlas