ham ne kahne ko tumhen dil se bhulaya hua hai
bas yahi daagh hai siine men chhupaya hua hai
ab giregi bhi to kaise ki bahut sabr ke saath
ham ne divar ko hathon se banaya hua hai
baat karne ko bahut der se socha us se
jis ki tahrir ko ankhon men basaya hua hai
chashm-e-be-aib men us ka hi sarapa kyuun tha
jis ka gham hadd-e-tamanna men samaya hua hai
khvahish-e-qurb ke paivand hain hathon men mire
ai junun-zad mujhe kitna sataya hua hai
koi kahta hai rifaqat nahin milne vaali
koi kahta hai vo dahliz pe aaya hua hai
vasl ki shaam ka andaza bahut mushkil tha
ham ne puchha tha magar us ne chhupaya hua hai
Leave a Reply