ham ye to nahin kahte ki gham kah nahin sakte
par jo sabab-e-ghum hai vo ham kah nahin sakte
ham dekhte hain tum men khuda jaane buto kya
is bhed ko allah ki qasam kah nahin sakte
rusva-e-jahan karta hai ro ro ke hamen tu
ham tujhe kuchh ai dida-e-nam kah nahin sakte
kya puchhta hai ham se tu ai shokh sitamgar
jo tu ne kiye ham pe sitam kah nahin sakte
hai sabr jinhen talkh-kalami ko tumhari
sharbat hi batate hain sam kah nahin sakte
jab kahte hain kuchh baat rukavat ki tire ham
ruk jaata hai ye siine men dam kah nahin sakte
allah re tira rob ki ahval-e-dil apna
de dete hain ham kar ke raqam kah nahin sakte
tuba-e-bahishti hai tumhara qad-e-rana
ham kyunkar kahen sarv-e-iram kah nahin sakte
jo ham pe shab-e-hijr men us mah-liqa ke
guzre hain ‘zafar’ ranj o alam kah nahin sakte
Leave a Reply