ham to hon dil se duur rahen paas aur log
sunghen gul-e-ezar ki bu-bas aur log
vaa.iz hamen Dara na vafur-e-gunah se
us ke karam se hote hain be-as aur log
sauda-e-ishq yaan to hai sar men bhara hua
nam-e-junun se karte hain visvas aur log
azad-gan-e-ishq har ik haal men hain shaad
honge asir-o-ranj-o-gham-o-yas aur log
hain ser boriya-e-tavakkul ke faqa-mast
hote hain muztarib dam-e-iflas aur log
yaan hai faqat havas dur-e-dandan ke diid ki
khate hain us ke danton pe almas aur log
sanjog ek apna tumhara azal se hai
puchhen brahmanon se buto raas aur log
uTThe fana o ek na ik kya ba.iid hai
ab baiThne lage hain tire paas aur log
us ab-e-la.al par kabhi ham bhi muhit the
lab chuus kar bujha.e hain ab pyaas aur log
ham to na ghar men aap ke dam-bhar Thaharne paa.en
roz aa.en jaa.en surat-e-anfas aur log
apne nasib men to na ho ab-e-ḳhizr-e-lab
sairab hon ba-surat-e-ilyas aur log
divan men mire nahin bharti ke aise sher
bharte hain jaise safha-e-qirtas aur log
vo bevafa karega miri qadr kya ‘qalaq’
karte hain apne ashiqon ka paas aur log
Leave a Reply