Syed Yasir Gilani
ham nahin ahd-e-mulaqat se Talne vaale
aaj hain gesu-e-ḳhamdar sanvarne vaale
ab tiri diid ki ḳhatir ye mujhe lagta hai
tere ushshaq hain aapas men ulajhne vaale
ik sitam ye ki adab se bhi lagan rakhte hain
meri ghazlon ki pazira.i pe jalne vaale
main ne chaha tha karun baat koi main lekin
mere ahbab nahin baat nigalne vaale
reng kar a.enge ye mere gareban talak
astinon men nahin naag ye palne vaale
jo tira saath nibhane ki qasam khate hain
vo tire yaar hain va.adon se mukarne vaale
Leave a Reply