Ameer Minai
ham jo mast-e-sharab hote hain
zarre se aftab hote hain
hai kharabat sohbat-e-vaiz
log nahaq kharab hote hain
kya kahen kaise roz o shab ham se
amal-e-na-savab hote hain
badshah hain gada, gada sultan
kuchh nae inqalab hote hain
ham jo karte hain mai-kade men dua
ahl-e-masjid ko khvab hote hain
vahi rah jaate hain zabanon par
sher jo intikhab hote hain
kahte hain mast rind-e-saudai
khuub ham ko khitab hote hain
ansuon se ‘amir’ hain rusva
aise ladke azaab hote hain
Leave a Reply