Pirzada Qasim
hujra-e-zat se bahar to nikal kar dekho
tum kisi dusre paikar men bhi Dhal kar dekho
kya ajab tum ko hi ye ham-safari raas aa jaa.e
do qadam hi sahi tum saath to chal kar dekho
haan ye dastar-e-fazilat bhi qaba-e-zar bhi
ḳhud ko dekho to ye poshak badal kar dekho
mausam-e-hijr koi rut hai na kuchh ab-o-hava
ik taqaza hai ki phir ghar se nikal kar dekho
maat ho jaa.e magar hausla-e-dil ke liye
aḳhiri chaal jo baaqi hai vo chal kar dekho
Leave a Reply